പൂങ്കണ്ണി

ഇലപൊഴിയും കാടുകളിലും മുളങ്കാടുകളിലും കണ്ടുവരുന്ന ഒരു സാധാരണ ശലഭമാണ് പൂങ്കണ്ണി (Gladeye Bushbrown, Mycalesis patnia). ഇവയുടെ ചിറകളവ് 40-45 മില്ലീമീറ്ററാണ്. മുന്‍പിന്‍ ചിറകുകളുടെ ഉപരിഭാഗം തവിട്ടുനിറമാണ്. മുന്‍ചിറകിന്‍റെ അടിഭാഗത്ത് ചിറകരികിലായി ഒരു വലിയ വെളുത്ത പൊട്ടുകാണാം.

തെളിനീലക്കടുവ

ബൈജു പാലുവള്ളി

കാടുകളിലും നാട്ടിന്‍പുറങ്ങളിലും നഗരങ്ങളിലും കാണപ്പെടുന്ന രോമക്കാലുള്ള ശലഭ കുടുംബത്തിലെ (Nymphalidae) ഒരു സാധാരണ ചിത്രശലഭമാണ് തെളിനീലക്കടുവ (Glassy Tiger - Parantica aglea) ഇവയുടെ ചിറകളവ് 70-75 മില്ലിമീറ്ററാണ്. ഇന്ത്യ, ശ്രീലങ്ക, നേപ്പാള്‍, ഭൂട്ടാന്‍, ബംഗ്ലാദേശ്, മ്യാന്‍മാര്‍ എന്നീ രാജ്യങ്ങളില്‍ ഇവയെ കണ്ടുവരുന്നു. നല്ല മഴ ലഭിക്കുന്ന പ്രദേശങ്ങളില്‍ ഇവ ദേശാന്തരഗമനം (Migration) നടത്തുന്നു. 2,100 മീറ്റര്‍ ഉയരമുള്ള കാടുകളില്‍ പോലും ഇവയെ കാണാന്‍ കഴിയും.

പുള്ളിയാരശലഭം

ടോംസ് അഗസ്റ്റിൻ

കേരളത്തിലെ കണ്ടല്‍-തണ്ണീര്‍ത്തട ആവാസവ്യവസ്ഥകളിലും, വനങ്ങളിലും കാണപ്പെടുന്ന അത്ര സാധാരണമല്ലാത്ത ഒരു ചിത്രശലഭമാണ് പുള്ളിയാരശലഭം
(Common Awl). തുള്ളന്‍ ശലഭങ്ങള്‍ (Skippers) എന്നു വിളിക്കുന്ന Hesperidae ശലഭകുടുംബത്തിലുള്‍പ്പെടുന്ന ഒരു കുഞ്ഞന്‍ ശലഭമാണിത്.

നാട്ടു റോസ്

ഡോ. കലേഷ് സദാശിവൻ

കേരളത്തില്‍ സാധാരണമായി കാണപ്പെടുന്ന ഒരു കിളിവാലന്‍ ശലഭമാണ് നാട്ടുറോസ് (Common Rose). ചിറകുകള്‍ക്ക് പത്തു സെന്‍റിമീറ്ററോളം വിസ്തീര്‍ണമുണ്ട്. ശിരസ്സിന് കറുത്തനിറവും, മറ്റ് ശരീരഭാഗങ്ങള്‍ക്കും റോസ് നിറവുമാണ്. മുന്‍ചിറകുകള്‍ കറുത്തനിറവും, പിന്‍ചിറകുകളുടെ മധ്യഭാഗത്തായി ഒരു വലിയ വെളുത്തപൊട്ടും അതിന് ചുറ്റുമായി റോസ് നിറത്തിലായി അര്‍ദ്ധചന്ദ്രാകൃതിയിലുള്ള പൊട്ടുകളുമുണ്ട്.

ക്ലിപ്പര്‍

ബൈജു പാലുവള്ളി

കാട്ടിലും നാട്ടിന്‍പുറങ്ങളിലും അപൂര്‍വ്വമായി പട്ടണപ്രദേശങ്ങളിലും കണ്ടുവരുന്ന വലിപ്പമുള്ള ഒരു ചിത്രശലഭമാണ് ക്ലിപ്പര്‍ (Clipper, Parthenos sylvia). ഇവയുടെ ചിറകളവ് 105-125 മി.മീറ്ററാണ്.

ദക്ഷിണസായകം

ഡോ. കലേഷ് സദാശിവൻ

നമ്മുടെ കേരളത്തില്‍ 200 മുതല്‍ 800 മീറ്റര്‍ വരെയുള്ള കാടുകളില്‍ കാണുന്ന അപൂര്‍വം ചിത്രശലഭങ്ങളില്‍ ഒന്നാണ് ദക്ഷിണസായകം (Southern Spotted Ace). ഇവയുടെ ചിറകുകളുടെ വിസ്തീര്‍ണം 35 മുതല്‍ 45 മി.മീ. വരെയാണ്. ഇവ തുള്ളന്‍ ശലഭങ്ങളുടെ വിഭാഗത്തില്‍പ്പെടുന്ന ചെറുശലഭങ്ങളാണ്.

കാരീര വെളുമ്പന്‍

ബൈജു പാലുവള്ളി

താരതമ്യേന വരണ്ട പ്രദേശങ്ങളില്‍ കാണപ്പെടുന്ന ഒരു ശലഭമാണ്
കാരീര വെളുമ്പന്‍ (Pioneer or Caper white, Anaphaeis aurota). ഇവയുടെ ചിറകളവ് 40-45
മില്ലീമീറ്ററാണ്. ചിറകുകളുടെ ഉപരിഭാഗം തൂവെള്ള നിറമാണ്. ചിറകുകളുടെ അരികില്‍ കറുത്ത കരയും അതില്‍ വെളുത്ത പുള്ളികളും കാണാം.

ചുട്ടിമയൂരി

ടോംസ് അഗസ്റ്റിൻ

വര്‍ണ്ണഭംഗികൊണ്ട് ആരെയും ആകര്‍ഷിക്കുന്ന മയൂരി ശലഭങ്ങളില്‍ (Peacock Butterflies) ഉള്‍പ്പെടുന്ന ഒരു സുന്ദരശലഭമാണ് ചുട്ടിമയൂരി (Papilio Paris). തെക്കേഇന്ത്യയിലെ പശ്ചിമഘട്ടമലനിരകളിലും, ഹിമാലയന്‍ താഴ്വാരങ്ങളിലും, ഇന്ത്യയുടെ വടക്കുകിഴക്കന്‍ സംസ്ഥാനങ്ങളിലും ഇവയെ കാണാം.

ഈറ്റ ശലഭം

ഡോ. കലേഷ് സദാശിവൻ

പശ്ചിമഘട്ടത്തിലെ ഒരു തനതു (Endemic) ചിത്രശലഭമാണ് ട്രാവൻകൂർ ഇൗവനിംഗ് ബ്രൗൺ അഥവാ ഇൗറ്റശലഭം. കേരളത്തിൽ കാണപ്പെടുന്ന ചിത്രശലഭങ്ങളിൽ വച്ച്, ശലഭശാസ്ത്രജ്ഞരിൽ കൗതുകം ജനിപ്പിക്കുന്ന ഒന്നാണ് ട്രാവൻകൂർ ഇൗവനിംഗ് ബ്രൗൺ. കാരണം ട്രാവൻകൂർ ഇൗവനിംഗ് ബ്രൗൺ ഉൾപ്പെടുന്ന ജനുസ്സിൽ നിന്നും ഇൗ ഒരേ ഒരു ശലഭം മാത്രമേ ഭൂമിയിലുള്ളൂ.